សម្តេចតេជោ ហ៊ុន សែន ព្រមានថា «បើផ្សារគំរូព្រំដែនដួលរលំ តំណែងរបស់អភិបាលខេត្ត

Your video will begin in 5

Thanks! Share it with your friends!

You disliked this video. Thanks for the feedback!

Added by admin
62 Views
សម្តេចតេជោ ហ៊ុន សែន ព្រមានថា «បើផ្សារគំរូព្រំដែនដួលរលំ តំណែងរបស់អភិបាលខេត្តត្បូងឃ្មុំអស់តំណែងដែរ» (Video inside)

(ត្បូងឃ្មុំ)៖ ក្នុងពិធីសម្ពោធ «ផ្សារគំរូព្រំដែនកម្ពុជា (ផ្សារដារ)» នៅក្នុងតំបន់សេដ្ឋកិច្ចពិសេសថារីត្បូងឃ្មុំ នៅស្រុកមេមត់ ខេត្តត្បូងឃ្មុំ នៅព្រឹកថ្ងៃទី២៤ ខែធ្នូ ឆ្នាំ២០១៩នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានព្រមានដល់អភិបាលខេត្តត្បូងឃ្មុំ ត្រូវខិតខំធ្វើយ៉ាងណាកុំឱ្យផ្សារនេះដួលរលំ បើមិនដូច្នោះទេតំណែងអភិបាលខេត្តនេះ ក៏ត្រូវអស់ផងដែរ។

សម្តេចតេជោ ហ៊ុន សែន មានបំណងចង់ឱ្យផ្សារគំរូព្រំដែនកម្ពុជា (ផ្សារដារ) ជាផ្សារស្អាត និងមានសណ្តាប់ធ្នាប់ ហើយត្រូវត្រួតពិនិត្យជាប្រចាំ ប៉ុន្តែមិនត្រូវឱ្យមានការរំខានប្រជាពលរដ្ឋដែលលក់ដូរទេ។ សម្តេចថ្លែងថា បើមានការរំខាន ប្រជាពលរដ្ឋនឹងបង្កើតច្រករបៀងខ្លួនឯង នោះហើយជារឿងគ្រប់គ្រងមិនបាន។ បើគ្រប់គ្រងមិនបានពួកឧក្រិដ្ឋជនធ្វើចរាចរគ្រឿងញៀន និងឧក្រិដ្ឋកម្មផ្សេងៗ។ សម្តេចបានស្នើឱ្យធ្វើការងារនេះឱ្យបានម៉ត់ចត់។

សម្តេចតេជោ ហ៊ុន សែន បានថ្លែងយ៉ាងដូច្នេះថា៖ «ផ្សារនេះហៅថាផ្សារគម្រូ បើផ្សារនេះបរាជ័យ ផ្សារដទៃទៀតដែលយើងត្រឹមនឹងបង្កើតឡើងវានឹងគ្មានវឌ្ឍនភាពទេ អញ្ចឹងអភិបាលខេត្តនៅកន្លែងនេះត្រូវមើលឱ្យច្បាស់កន្លែងហ្នឹង បើផ្សារហ្នឹងបរាជ័យ លោកឯងក៏មិនអាចនៅធ្វើចៅហ្វាយខេត្តបានដែរ»។

សម្តេចតេជោ ហ៊ុន សែន បានបន្តថា រាជរដ្ឋាភិបាលបានធ្វើប្រតិភូកម្មអំណាចរួចហើយ ដូច្នេះការគ្រប់គ្រងផ្សារនេះ ត្រូវធ្វើឡើងដោយអាជ្ញាធរខេត្ត ដោយមិនចាំបាច់ទៅដល់ក្រសួងពាណិជ្ជកម្មនោះទេ។

សូមបញ្ជាក់ថា ផ្សារដោះដូរទំនិញកម្ពុជា និងវៀតណាមជាលើកដំបូងនៅព្រំដែនកម្ពុជា-វៀតណាម ត្រូវបានសម្ពោធដាក់ឱ្យប្រើប្រាស់នៅព្រឹកថ្ងៃទី២៤ ខែធ្នូ ឆ្នាំ២០១៩។ ពិធីសម្ពោធផ្សារដែលមានឈ្មោះថា «ផ្សារគំរូព្រំដែនកម្ពុជា (ផ្សារដារ)» នេះ ធ្វើឡើងក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក ជីញ ឌិញ ស៊ុង (TRINH DINH DUNG) ឧបនាយករដ្ឋមន្ត្រីវៀតណាម។

«ផ្សារគំរូព្រំដែនកម្ពុជា (ផ្សារដារ)» មានទីតាំងស្ថិតនៅក្នុងតំបន់សេដ្ឋកិច្ចពិសេសថារីត្បូងឃ្មុំ ភូមិដារកណ្តោល ឃុំដារ ស្រុកមេមត់ ខេត្តត្បូងឃ្មុំ លើផ្ទៃដីទំហំជិត២ហិកតា ចម្ងាយប្រមាណជា ៣០០ម៉ែត្រពីព្រំដែនកម្ពុជា-វៀតណាម។ ទីតាំងផ្សារគំរូនេះ ជាដែនដីអតីតសមរភូមិដែលសម្តេចតេជោ ហ៊ុន សែន បានប្រយុទ្ធគ្នាចំនួន២០លើក ក្នុងអំឡុងឆ្នាំ១៩៧១។

«ផ្សារគំរូព្រំដែនកម្ពុជា» ត្រូវបានបើកការដ្ឋានសាងសង់នៅឆ្នាំ២០១៨ ដោយចំណាយថវិកាជិត ២លានដុល្លារអាមេរិក ដែលជាថវិការបស់រដ្ឋាភិបាលវៀតណាម។ ផ្សារនេះមានចំនួន ៦៨ស្តង់ ចែកចេញជា៦ប្រភេទ។ ផ្សារគំរូព្រំដែនកម្ពុជា ត្រូវបានអនុញ្ញាតឱ្យដាក់លក់តែផលិតផលរបស់កម្ពុជា និងវៀតណាម ដោយមិនអនុញ្ញាតឱ្យលក់ផលិតប្រទេសដទៃនោះឡើយ៕


* ទូរទស្សន៍ព័ត៌មាន Fresh News ផ្សាយព័ត៌មានថ្មីៗរៀងរាល់មួយម៉ោងម្តង ពេញ២៤ម៉ោង និងទូទាំង២៥រាជធានី-ខេត្តក្រុង ! ផ្សាយតាមរយៈស្ថានីយ៍ទូរទស្សន៍ខ្សែកាបទូទាំងប្រទេស និងផ្សាយតាមរយៈប្រព័ន្ធ Sky One និង Smart TV, App, Website, Radio, Facebook និង Youtube

http://www.freshnewsasia.tv
Category
ព័ត៌មានថ្មីៗ
Commenting disabled.